दाङ। दाङ निर्वाचन क्षेत्र नं १ को मतगणनामा राष्ट्रिय स्वतन्त्र पार्टीका उम्मेदवार देवराज पाठकले फराकिलो अग्रता लिएका छन्।
निर्वाचन अधिकृतको कार्यालयले सार्वजनिक गरेको पछिल्लो मत परिणामअनुसार हालसम्म ६ हजार ५११ मत गणना भएको छ। जसमा रास्वपाका उम्मेदवार पाठकले ३ हजार ९५९ मत प्राप्त गर्दै पहिलो स्थानमा रहेका छन्।
त्यसैगरी नेपाली कांग्रेसका उम्मेदवार योगेन्द्र चौधरीले १ हजार १८ मत प्राप्त गर्दै दोस्रो स्थानमा छन्। नेकपाका नेता मेटमणी चौधरीले ४७५ मत ल्याएका छन् भने रेवतीरमण शर्मा घिमिरेले ४५८ मत प्राप्त गरेका छन्। मेटमणिले यसअघि दुई पटक यो क्षेत्रबाट जितेका थिए ।
