काठमाडौं । नेपाली लेग स्पीनर सन्दीप लामिछाने घाइते भएका छन्। अस्ट्रेलियन टी–२० क्रिकेट बिग बास लिग (बीबीएल) मा खेलिरहेका सन्दिपलाई सामान्य चोट लागेको हो ।
सन्दीप आवद्ध टोली मेल्बर्न स्टार्सले ट्वीटरमा थन्डरविरुद्ध खेल्ने खेलाडीको नाम सार्वजनिक गर्दै आराम गरिरहेका सन्दीप स्थानमा पाकिस्तानी खेलाडी हरिष रौफलाई ल्याइएको छ। आराम गर्नुपर्ने भएपछि सन्दिपले बिहीबार हुने सिड्नी थन्डरसँगको खेल गुमाउने भएका छन्।
स्टार्सले अहिलेसम्म चार खेल खेलिसकेको छ। उनले चार खेलमा ३ विकेट लिएका छन्। अघिल्ला हरेक खेलमा विकेट हात पारेका उनी चौँथो खेलमा भने विकेट विहीन भएका थिए।
स्टार्सले चार खेलबाट तिन खेलमा जित र एक खेलमा हार व्यहोर्दै ६ अंक जोडेको छ।
