काठमाडौं । भारतीय सञ्चार माध्यम आइएसका लडाकु नेपाल हुँदै भारत छिरेको दाबी गरेका छन्। भारतीय गुप्तचर संस्थाले कम्तीमा पनि पाँच आइसिस लडाकु नेपाल हुँदै भारत छिरेको बताएका छन् ।
उनीहरू भारत छिरेको देखिएसँगै उत्तर प्रदेशको नेपाल बोर्डर नजिकका गोरखपुर, सिद्धार्थनगर, खुसीनगर, महाराजगन्जलगायतमा सतर्कता अपनाउन भनिएको छ।
बस्ती जिल्लाका आइजी आसुतोस कुमारले आइएस लडाकु उत्तर प्रदेशमा छिरेको दाबी गरेका हुन्।
भारतीय गुप्तचर संस्थाले दुई जनाको पहिचानसमेत गरिसकेको र उनीहरू ख्वाजा मोनुद्दिन र अब्दुर सामद रहेको जी न्युजले उल्लेख गरेको छ। पछिल्लोपटक उनीहरू पश्चिम बंगालको सिलगुढीमा देखिएका थिए।
