लिभरपुल तथा सेनेगलका फरवार्ड २७ बर्षिय साडियो माने अफ्रिकन प्लेयर अफ दी ईयर घोषित भएका छन् । उनी मोहमद सलाहा र रियाद महरेजलाई पछाडी पार्दै अफ्रिकन बर्ष खेलाडीमा चुनिएका हुन् । गत सिजन लिभरपुललाई च्याम्पियन्स लिगको उपाधि दिलाउन मानेले पुरै सिजन सबै प्रतियोगितामा ३० गोल गरेका थिए । उनले यसै बर्ष मात्र १५ गोल गरेका छन् । प्रिमियर लिगमा लिभरपुलले १३ अंकको अग्रता लिएको छ ।
क्लब तालिकाको शीर्ष स्थानमा बलियो बनेर बसेको छ । उनले आफु निकै खुसी र गर्वको महशुश गरेको र फुटबल आफ्नो कर्म भएको र यसलाई सधै माया गरिनै रहने पनि बताएका छन् ।
उनले भने ‘म मेरो परिवार, राष्ट्रिय टिम, सहकर्मी अफिसियल, लिभरपुल क्लबप्रति आभारी छु । यो मेरा लागि निकै ठुलो दिन हो ।’ पछिल्लो तीन बर्षको शीर्ष तीन खेलाडीको सुचिमा माने पर्दै आएका छन् ।
अफ्रिकन बर्ष खेलाडीको अवार्ड पाउने माने सेनेगलका दोस्रो खेलाडी हुन् । उनीअघि लिभरपुल तथा सेनेगलका पूर्व फरवार्ड एल हदजी डिउफले सन् २००२ मा सो अवार्ड प्राप्त गरिसकेका छन् । यता महरेजले भने वर्ष गोलको अवार्ड हात पारेका छन् ।
