मेल्बर्न । नेपाली क्रिकेटर सन्दीप लामिछाने बीबीएल अन्तर्गत बुधबार भएको खेलमा खराब बलिङ गरेका छन्। टिम मेल्बर्न स्टार्सका लागि क्रिकेटर लामिछानेले खराब बलिङ गरेका हुन् ।
लामिछानेले पुरै चार ओभर बलिङ गर्दा बिना विकेट ३९ रन दिएर मेल्बर्नका लागि महंगो सावित भएका हुन्। यअघि मेल्बर्नको पाँचौ जित निकाल्न सन्दीपले महत्वपूर्ण योगदान गरेका थिए। उनले चार ओभर बलिङ गर्दा २६ रन खर्चिएर तीन विकेट लिएका थिए।
टस जितेर फिल्ड रोजेको मेल्बर्नका लागि सन्दीपले बुधबार खराब बलिङ गरेका हुन्। सिड्नी थन्डरलाई पहिलो ओभरमा ९ रन दिएका सन्दीपले दोस्रो ओभरमा सम्हालिएर खेल्दा दुई रनमात्र दिए। तेस्रो ओभरमा १० रन दिएका सन्दीपले चौथो ओभरमा सर्वाधिक चुटाइ खाए। उनले अन्तिम ओभरमा १८ रन दिएका हुन्।
