काठमाडौं । महिला, बालबालिका तथा ज्येष्ठ नागरिकमन्त्री पार्वत गुरुङले गुणस्तरीय शिक्षाका लागि शांकरी स्कुलको योगदान महत्वपूर्ण रहेको बताएका छन् । शांकरी स्कुलको छैटौं अभिभावक दिवस उद्घाटन गर्दै मन्त्री गुरुङले नेपालको शैक्षिक क्षेत्रको गुणस्तर उकास्न निजी क्षेत्रको महत्वपूर्ण योगदान गरेको बताएका हुन् ।
गुणस्तरीय शिक्षा पाउनु हरेक बालबालिकाको नैसर्गिक अधिकार भएको भन्दै उनले सबै किसिमका बालबालिकाको अधिकार सुनिश्चित गर्न बालबालिका ऐन संशोधन गर्ने तयारीमा सरकार रहेको जानकारी दिए । बालबालिकाको उज्ज्वल भविष्यबाट मात्र मुलुकको सर्वांगीण विकास सम्भव हुने भन्दै मन्त्री गुरुङले शिक्षा क्षेत्रमा योगदान दिएका सबैलाई सरकारले समान रूपमा हेर्ने समेत बताए ।
समृद्ध नेपाल, सुखी नेपालीको अभियानअनुसार अघि बढेको सरकारले महिला, बालबालिका र ज्येष्ठ नागरिकको अधिकार र सम्मानका लागि यथोचित कदम चाल्नेसमेत उनले बताए ।स्कुलका अध्यक्ष तथा सीईओ विदुर अधिकारीको अध्यक्षतामा भएको कार्यक्रममा प्रबन्ध निर्देशक अनन्त बाबु राईले शांकरीले गुणस्तरीय मात्र नभई व्यावहारिक शिक्षामा जोड दिइरहेको बताए । काठमाडौंको प्रज्ञा भवनको मुख्य हलमा विद्यार्थीले सांगीतिक प्रस्तुति दिएका थिए । राजधानी दैनिकबाट
