![](https://newspolar.com/wp-content/uploads/2022/03/94925366_1310845455776772_2074806809872302080_n.jpg)
काठमाडौँ । समाजवादी पार्टीका संघीय परिषद अध्यक्ष एंवम पूर्वप्रधानमन्त्री डा. बाबुराम भट्टराईले सत्तारुढ नेकपाको गुटिय खिचातानीका कारण संसद निष्काम बनिरहेको आरोप लगाएका छन् ।
आइतवार भट्टराईले सामाजिक सञ्जाल ट्वीटरमा एउटै दलको स्पष्ट बहुमत हुँदापनि संसद बैठक सूचना टाँसेर सारिरहने अवस्था आउँदा जनप्रतिनिधि मुखदर्शक भइरहने भन्दै व्यङ्य गरेका छन्।
![](https://newspolar.com/wp-content/uploads/2019/03/baburam-1000x563.jpg)
‘हिजो दलीय खिचातानीले संसद बन्धक बन्दा अन्तरीमकाल र सहमतिको राजनीति भनेर चित्त बुझाइयो,’ डा. भट्टराईले ट्वीटरमा भनेका छन्, ‘तर आज नियमित संविधान र एउटै दलको स्पष्ट बहुमत हुँदा गुटगत खिचातानीका कारण प्रतिनिधिसभा पंगु र निष्काम हुने र बैठक सरिरहने ? जनप्रतिनिधि मुकदर्शक भइरहने ? यही हो लोकतन्त्र ? अझै कम्युनिज्म ? धन्य कणहरू।’
![](https://newspolar.com/wp-content/uploads/2020/01/baburam.jpg)