एजेन्सी । टी–२० विश्वकपको ३० औं खेलमा सोमबार अष्ट्रेलिया र श्रीलंका भिड्दैछन् । श्रीलंकाको पल्लेकेले रंगशालामा हुन लागेको खेल नेपाली समयअनुसार बेलुकाको ७ः१५ बजेबाट सुरु हुनेछ ।
यसअघि खेलिएका दुवै खेल जितेको श्रीलंका समूह बी को अंक तालिकाको शिर्ष स्थानमा रहेको छ । श्रीलंकाले आयरल्याण्डलाई २० रन र ओमानलाई १०५ रनले हराएको थियो । उता, अष्ट्रेलियाले भने पहिलो खेलमा आयरल्याण्डलाई ६७ रनले हराएको थियो भने जिम्बाब्वेसँग २३ रनले पराजित भएको थियो ।
हेड–टू–हेड
दुई टोली टी–२० अन्तर्राष्ट्रियमा हालसम्म २६ पटक आमनेसामने भएका छन् । जसमा अष्ट्रेलियाले १६ खेल जितेको छ भने श्रीलंकाले १० खेल मात्र जितेको छ।
टी–२० विश्वकपमा भने यी दुई टोली पाँच पटक भेटेका छन् । जसमा अष्ट्रेलियाले श्रीलंकालाई चार पटक पराजित गरेको छ । श्रीलंकाले भने २००९मा एक पटक मात्र हराएको छ । अस्ट्रेलिया १७ वर्षदेखि टी–२० विश्वकपमा श्रीलंकासँग हारेको छैन ।
विश्वकप–२०२६ मा दुवै टोलीका शीर्ष खेलाडीहरू:
अस्ट्रेलियाका म्याट रेनशा सर्वाधिक रन स्कोरर
यस विश्वकपमा अस्ट्रेलियाका म्याट रेनशा सर्वाधिक रन स्कोरर रहेका छन् । उनले दुई खेलमा १३२.४६ को स्ट्राइक रेटमा १०२ रन बनाएका छन् । बलिङमा, नाथन एलिसले दुई खेलमा ५.८७ को इकोनोमी रेटमा चार विकेट लिएका छन् ।
श्रीलंकाका कुसल मेन्डिसद्वारा दुवै खेलमा अर्धशतक प्रहार
यस प्रतियोगितामा श्रीलंकाका लागि कुसल मेन्डिसले सबैभन्दा धेरै रन बनाएका छन् । उनले १३२.९५ को स्ट्राइक रेटमा ११७ रन बनाएका छन् । उनले खेलिएका दुवै खेलमा अर्धशतक बनाएका छन् । यस्तै, बलिङमा महेश थेक्सनाले २ खेलमा ४.२५ को इकोनोमी रेटमा ५ विकेट लिएका छन् ।
पिचको अवस्था
श्रीलंकाको पल्लेकेले अन्तर्राष्ट्रिय क्रिकेट रंगशालामा हालसम्म ३१ वटा टी(२० अन्तर्राष्ट्रिय खेल खेलिएका छन् । जसमा पहिले ब्याटिङ गर्ने टोलीले २९ पटक जितेको छ भने पछ्याउने टोलीले एक पटक मात्र खेल जितेको छ ।
यो पिच स्पिनरहरूका लागि उपयोगी मानिन्छ । यहाँ टोलीहरूले पहिले ब्याटिङ गर्न रुचाउँछन् ।
दुवै टोलीका लागि सम्भावित प्लेइङ–११
अस्ट्रेलियाः मिचेल मार्श (कप्तान), ट्राभिस हेड, जोश इन्ग्लिस, ग्लेन म्याक्सवेल, म्याट रेनशा, मार्कस स्टोइनिस, बेन द्वारशुइस, क्यामरुन ग्रिन, नाथन एलिस, म्याट कुह्नेम्यान र एडम जाम्पा।
श्रीलंकाः दासुन शनाका (कप्तान), पाथुम निसान्का, कामिल मिश्रा, कुसल मेन्डिस, कामिन्दु मेन्डिस, पवन रत्नायके, डुनिथ वेललागे, वानिन्दु हसरंगा, महेश थेक्षाना, दुष्मन्थ चमेरा, मथेश पाथिराना।
