काठमाडौं । पत्रकार राजन कार्कीको पुस्तक ‘दुष्चक्र’ को विमोचन गरिएको छ । २९८औं पृथ्वी जयन्तीको अवसर पारेर पत्रकार कार्कीको पुस्तक विमोचन गरिएको हो ।
आइतबार काठमाडौंमा आयोजित कार्यक्रममा मोदनाथ प्रश्रित, डा. शास्त्रदत्त पन्त, दीर्घराज प्रसाई, पी. खरेल, भरत दाहाल, गोविन्द लुइँटेल तथा जैनेन्द्र जीवनले संयुक्त रूपमा पुस्तक सार्वजनिक गरेका थिए । पुस्तकको यो दोस्रो संस्करण हो ।
कार्यक्रममा साहित्यकार प्रश्रितले नेपाल निर्मातामाथि आरोप प्रत्यारोप गर्नुभन्दा नेपाल निर्माण गरिदिएको हामीमा गौरवानुभूति हुनुपर्ने बताए । कार्यक्रममा लेखक राजन कार्कीलगायतले बोलेका थिए ।
