लिभरपुलको गृह मैदान एनफिल्डमा एर्लिङ हालान्डले दोस्रो हाफको इन्जुरी समयमा पेनाल्टी मार्फत गोल गरेपछि म्यान्चेस्टर सिटीले लिभरपुलाई २(१ ले हराएको छ। यो जितसँगै सिटीको प्रिमियर लिग उपाधि माथिको आशा अझै जीवित छ ।
यद्यपी आर्सनल ५६ अंक सहित शीर्ष स्थानमा कायम छ तर आइतबारको जितपछि सिटीले त्यो दूरी घटाएर ६ अंकमा झारेको छ ।
लिभरपुलका डोमिनिक सोबोस्लाइले ७४ औं मिनेटमा उत्कृष्ट गोल गर्दै घरेलु टोलीलाई अग्रता दिलाएका थिए । तर खेलमा सिटी हार मान्ने पक्षमा थिएन ।
यहीबीच ८४औँ मिनेटमा सिटीका बर्नार्डो सिल्भाले गोल गरेर खेललाई बराबरीमा ल्याए । दोस्रो हाफको इन्जुरी समयको तनाबका बीच तेस्रो मिनेटमा हालान्डले पेनाल्टीबाट गोल गर्दै सिटीको जित पक्का गरे ।
स्टार खेलाडीले भरिएको तर पछिल्लो केही समयदेखि तुलनात्मक रुपमा लयमा नरहेको लिभरपुल ३९ अंकसहित छैटौँ स्थानमा सीमित रहेको छ ।
