काठमाडौं । राष्ट्रिय सभा निर्वाचनका लागि तीन पार्टीबीच सहकार्य गर्ने सहमति भएको छ । सत्तारूढ नेपाल कम्युनिस्ट पार्टी (नेकपा), राष्ट्रिय जनता पार्टी (राजपा) नेपाल र नेपाल संघीय समाजवादी पार्टीबीच सहकार्य गर्ने सहमति आइतबार भएको छ । ९ माघमा हुने राष्ट्रिय सभा सदस्य निर्वाचनमा प्रदेश २ मा रिक्त चार सिटमा तीन पार्टीबीच सहकार्य गर्ने सहमति भएको हो ।
यसअघि नै नेकपा र राजपाबीच दुई–दुई सिट बाँडफाँट गर्दै एकअर्कालाई सहयोग गर्ने सहमति भइसकेको छ । प्रदेश २ मा नेकपाबाट तुलसाकुमारी दाहाल र राधेश्याम पासवान तथा राजपाबाट मृगेन्द्रकुमार सिंह यादव र शेखरकुमार सिंह उम्मेदवार छन् । तीन पार्टीबीच भएको सहमतिपत्रमा चार उम्मेदवारको पक्षमा मतदान गर्ने सहमति भएको छ ।
सहमतिपत्रमा नेकपा महासचिव विष्णुप्रसाद पौडेल, राजपा संसदीय दलका नेता महन्थ ठाकुर र समाजवादी पार्टीका अध्यक्ष रिजवान अन्सारीले हस्ताक्षर गरेका छन् । प्रदेश २ मा रिक्त चार सिटका लागि प्रमुख प्रतिपक्षी नेपाली कांग्रेस र समाजवादी पार्टीबीच एकअर्कालाई सहयोग गर्ने सहकार्य भएको छ । राजधानी दैनिकबाट
