काठमाडौं । ट्राफिक प्रहरीले प्रहरीकै गाडीमा ह्विल लक गरेको छ। महानगरीय ट्राफिक प्रहरी रामसाहपथको टोलीले अनामनगरमा प्रहरीकै गाडीमा ह्विल लक गरेको हो ।
सडक ढाकेर पार्किङमा राखेको ना१झ १४२५ नम्बरको प्रहरीको गाडीमा ह्विल लक लगाएको हो। उक्त गाडीलाई नियमअनुसार चिट काटेर कारबाहीमा ल्याइएको महाशाखा प्रमुख भीम ढकालले बताए।
‘नियम मिच्ने जुनसुकै गाडीमा पनि ह्विल लक लाग्छ, हामी यसको उसको भन्दैनौं,’ ढकालले भने।
