काठमाडौं । नेकपाका संयोजक पुष्पकमल दाहाल प्रचण्डले सिन्धुली–२ मा बागी उम्मेदवारी परेपछि नेताहरूलाई छलफलको लागि काठमाडौं बोलाएका छन् ।
सिन्धुली २ मा राजन दाहालविरुद्ध महेश्वर दाहालले बागी उम्मेदवारी दिएपछि प्रचण्डले बागी प्रस्तावक नेकपाका नेता हरिबोल गजुरेल र समर्थक सहितलाई काठमाडौं बोलाएका हुन् ।
क्षेत्र नम्बर १ बाट सिफारिस भएका दाहाललाई क्षेत्र नम्बर २ बाट टिकट दिएपछि गजुरेल समुहले बागी उम्मेदवार उठाएका थिए ।
प्रचण्डले बोलाएपछि आफूसहित महेश्वर दाहाल, जिल्ला पार्टी संयोजक पानीराज बमजन र जिल्ला इन्चार्ज वसन्त माझी सिन्धुलीबाट काठमाडौं आउन लागेको नेता गजुरेलले बताए।
