काठमाडौं । सञ्चार, सूचना तथा प्रविधिमन्त्री जगदीश खरेलले पदबाट राजीनामा दिने भएका छन् । राष्ट्रिय स्वतन्त्र पार्टी (रास्वपा)बाट आगामी निर्वाचनमा सहभागी हुने निश्चित भएपछि उनले राजीनामा दिन लागेका हुन् ।
मन्त्री खरेलले राजीनामा बुझाउनका लागि प्रधानमन्त्री सुशीला कार्कीलाई भेट्न गएको स्रोतले जनाएको छ ।
निर्वाचन आचारसंहिता र चुनावी प्रतिस्पर्धामा सहभागी हुने तयारीस्वरूप उनले मन्त्री पदबाट अलग हुने निर्णय गरेका हुन् ।
स्रोतका अनुसार रास्वपाले खरेललाई ललितपुर–२ बाट प्रतिनिधिसभा सदस्यको उम्मेदवार बनाउने तयारी गरेको छ । यससँगै उनी सक्रिय चुनावी मैदानमा होमिन लागेका छन् ।
