काठमाडौँ । राष्ट्रिय स्वतन्त्र पार्टी (रास्वपा) प्रवेश गरेका डा. अमरेशकुमार सिंहले अबको प्रधानमन्त्री बालेन शाह नै बन्ने ठोकुवा गरेका छन्।
जनकपुरमा आयोजित सभामा सिंहले यदि बालेन प्रधानमन्त्री भएनन् भने उनले जनकपुरमा आत्मदाह गर्ने समेत बताए।
सिंहले आफ्नो भाषणमा भने, “हामी सीता माताका सन्तान हौं। सीमा माता यही धर्तीमा समाहित भएकी थिइन्। बालेन प्रधानमन्त्री भएनन् भने म जनकपुरको धर्तीमा समाहित हुनेछु। बालेन प्रधानमन्त्री बनेनन् भने म जनकपुरको रणभूमिमा आत्मदाह गर्नेछु।”
उनले बालेन शाहलाई देशको महानायक भन्दै आफ्नो गम्झा देखाउँदै मतदाता समक्ष भोट मागे। सिंहले थपे, “म हात जोडेर भन्छु, मसँग केही छैन। केवल आग्रह गर्छु, तपाईंहरूसँग गम्छामा भिख माग्छु, मधेशलाई प्रधानमन्त्री देऊ।”
