काठमाडौँ । नेपाली कांग्रेसको संस्थापन पक्षबाट निष्कासनमा परेका महामन्त्री विश्वप्रकाश शर्माले महामन्त्री पद आफैं त्यागेको बताएका छन्।
निष्कासनको कुनै अर्थ नभएको दाबी गर्दै उनले भने– ‘महामन्त्री पद मैले बिहानै छोडेको हुँ निष्कासनको अर्थ छैन ।’
कांग्रेसले महामन्त्रीद्वय गगनकुमार थापा र शर्मा तथा सहमहामन्त्री फर्मूल्ला मन्सुरलाई पार्टी अनुशासन उल्लङ्घन गरेको आरोपमा कारबाही गरेको छ ।
पार्टीका कार्यवाहक सभापति पूर्णबहादुर खड्काको अध्यक्षतामा सानेपामा बसेको पार्टी केन्द्रीय कार्यसमितिको बैठकले पार्टी विधान र हितविपरीत गतिविधिमा संलग्न रहेको आरोपमा पार्टी सदस्यबाट पाँच वर्षका लागि उनीहरूलाई निष्कासन गरेको जनाएको छ।
