काठमाडौं । राष्ट्रिय सभा निर्वाचनमा तीन ठूला दलबीच तालमेल हुने भएको छ। नेपाली कांग्रेस, नेकपा एमाले, नेपाली कम्युनिस्ट पार्टी (नेकपा) र जसपा नेपाल सिट बाँडफाँटको सहमति नजिक पुगेका हुन् ।
कांग्रेस नेता रमेश लेखकका अनुसार हालको समझदारीअनुसार कांग्रेस र एमालेले ७–७ सिट, नेकपाले ३ सिट र जसपा नेपालले १ सिट पाउनेगरी सहमति भएको छ।
यद्यपि नेकपाले चार सिटको माग गरिरहेको र त्यस विषयमा अन्तिम टुंगो लगाउन छलफल जारी रहेको लेखकले जानकारी दिए।
उनका अनुसार आज बेलुकासम्म सबै विषय टुंग्याउनेगरी दलहरूबीच छलफल भइरहेको छ। राष्ट्रिय सभा निर्वाचन अन्तर्गत रिक्त १८ सिटका लागि माघ ११ गते मतदान हुँदैछ।
