काठमाडौं । नेपाली कांग्रेसको केन्द्रीय कार्यालय सानेपामा केन्द्रीय कार्यसम्पादन समितिको बैठक जारी छ।
केहीबेरअघि सुरु भएको बैठकमा राष्ट्रियसभा निर्वाचन, पार्टीभित्रको आन्तरिक विषयवस्तुलगायत वर्तमान राजनीतिक अवस्थाबारे छलफल भइरहेको जनाइएको छ।
साथै, समसामयिक राजनीतिक अवस्था, पार्टीको संगठनात्मक सुदृढीकरण, सरकारको कार्यसम्पादन तथा आगामी रणनीतिबारे पनि छलफल भइरहेको बताइएको छ।
कांग्रेसले राष्ट्रियसभा निर्वाचनमा गठबन्धन गर्न एमाले र नेकपासँग छलफल गरिरहेको छ। त्यसबारे आजको बैठकले निर्णय लिनसक्ने सम्भावना छ।
यसअघि बसेको बैठकले वैशाखमा पार्टीको नियमित महाधिवेशन गर्ने कार्यतालिका ल्याएको थियो।
तर महामन्त्रीद्वय गगन थापा र विश्वप्रकार्श शर्माले यही महिनाभित्रै विशेष महाधिवेशन गर्ने अडान लिइरहेका छन्।
महाधिवेशन विवाद चर्किएपछि निकासको लागि आजको बैठकमा त्यसबारे पनि छलफल हुने बुझिएको छ।
