प्रेम दिवसको अवसर पारेर गीतकार बिटु केसीले दर्शकहरु माझ निकै नै मिठो गित सार्वजनिक गरेकी छिन् । ‘यी आँखाले ती आँखालाई हेरिरहन पाए हुन्थ्यो… नछुटोस् यी हात सधै यस्तै साथ पाए हुन्थ्यो…’यो गितलाई प्रेम दिवसको अवसरमा हिमालयखबरको आधिकारिक वेबसाईट मार्फत सार्वजनिक गरिएको हो ।
गितकार केसीको यो गीतले स्रोताहरुको मन जित्ने विश्वास लिईएको छ । यस गितलाई संगीत भरेका छन् संगीतकार अनिल शाहिले र साथै स्वर दिएका छन् हाल चलिरहेको नेपाल आईडल सीजन तिनका दावेदार प्रतिस्पर्धी किरण कुमार भुजेलले । आधामनको एल्बमको चौथा कोसेलीको रुपमा यो गित बजारमा आएको हो । आधामन एल्बमबाट अब अर्को गीत किन किन तिम्रो माया आकाश जस्तो लाग्यो भिडियो शुट हुने तरखरमा रहेको छ ।
यस गितमा सुरिलो आवाज दिएकी छिन् गायिका जीना रसाईलीले । आधामन एल्बमका आहिले सम्मका सबै पाँच गितहरुलाई संगीत बद्ध गरेका छन् स्ट्रिङ अफ सुल्तान संगितकार अनिल शाहिले । एकै वर्षको अन्तरालमा दर्जन गीतहरु दिएकी एउटी राम्रो गितकारको रुपमा परिचित हुँदैछिन् बिटु केसी । प्रवासबाट नेपाली सांगीतिक आकाशमा उनका मिठा गितहरुले आशालाग्दो उडान भरिरहेका छन् ।
