काठमाडौँ । जनता समाजवादी पार्टी (जसपा) सह–अध्यक्ष रेणु यादव र उपमहासचिव प्रदीप यादवले पार्टी परित्याग गरेका छन्।
उनीहरूले लोकतान्त्रिक समाजवादी पार्टी (लोसपा) र जनता समाजवादी पार्टी नेपाल बीचको एकतालाई स्वीकार गर्दै आज जसपा अध्यक्ष उपेन्द्र यादवसँग सहमतिपत्रमा हस्ताक्षर गरेका हुन्।
सहमति पत्रअनुसार मिति २०८२ पुस १३ गते जसपा, नेपाल र रेणु यादवको नेतृत्वमा रहेका बहुमत केन्द्रीय सदस्यहरू सहितको समूहबीच एकीकरण सम्पन्न भएको उल्लेख गरिएको छ।
सहमतिपत्रमा दुवै पक्षबीच सांगठनिक एकता, नीति–कार्यक्रमको साझा कार्यान्वयन र आगामी राजनीतिक गतिविधिहरू संयुक्त रूपमा अघि बढाउने प्रतिबद्धता जनाइएको छ।
पार्टी एकतासँगै मधेस केन्द्रित राजनीतिमा नयाँ ध्रुवीकरणको संकेत देखिएको छ।
