![](https://newspolar.com/wp-content/uploads/2022/03/94925366_1310845455776772_2074806809872302080_n.jpg)
एजेन्सी । च्याम्पियन्स लिग फुटबलको अन्तिम १६ को पहिलो लेगको खेलमा एट्लेटिको मड्रिडसंग लिभरपुल पराजित भएको छ । मंगलबार राति भएको खेलमा साविक विजेता लिभरपुललाई घरेलु टोली एट्लेटिकोले १–० गोल अन्तरले हराएको हो । खेलको चौथो मिनेटमा साउल निगुएजले गरेको गोल एट्लेटिकोलाई पहिलो लेगको खेलमा अग्रता दिन पर्याप्त रह्यो ।दोस्रो लेगको खेल लिभरपुलको घरेलु मैदान एनफिल्डमा हुनेछ ।
![](https://newspolar.com/wp-content/uploads/2020/02/P2020-02-18_Atletico_Liverpool-46-600x400.jpg)
लिभरपुलले खेलमा दुई राम्रा गोलको अवसर प्राप्त गरेको थियो । तर मोहमद सलाहा र जोडन हेन्डरसन गोलमा चुकेका थिए । मुख्य प्रशिक्षक योर्गेन क्लोपले साडियो माने र सलाहाको स्थानमा डिभोक ओरिजी र एलेक्स ओक्सलेड चेम्बरलेनलाई मैदान उतारेपनि खेलमा प्रभाव देखिएन । एट्लेटिको पछिल्लो समय खराब लयबाट गुज्रिरहेको छ ।
![](https://newspolar.com/wp-content/uploads/2020/02/P2020-02-18_Atletico_Liverpool-22-2-600x400.jpg)
खेलको चौथो मिनेटमा साउलले दिलाएको अग्रताले घरेलु टोली दोस्रो लेगमा बलियो अवस्थामा पुगेको छ । दोस्रो लेगको खेल मार्च ११ मा हुनेछ ।