काठमाडौँ । अख्तियार दुरुपयोग अनुसन्धान आयोगले पोखरा क्षेत्रीय अन्तर्राष्ट्रिय विमानस्थलका तत्कालीन आयोजना प्रमुख बिनेश मुनकर्मीविरुद्ध भ्रष्टाचार मुद्दा दर्ता गरेको छ।
भ्रष्टाचार गरेर अस्वाभाविक रूपमा सम्पत्ति आर्जन गरेको आरोपमा आयोगले मङ्गलबार विशेष अदालतमा मुद्दा दायर गरेको हो।
मुनकर्मीले आफ्नो पदको दुरुपयोग गरी गैरकानुनी रूपमा सम्पत्ति आर्जन गरेको पुष्टि भएपछि मुद्दा दर्ता गरिएको अख्तियारले जनाएको छ।
अख्तियारले उनको आय–व्यय विवरण, सम्पत्ति विवरण तथा वित्तीय कारोबारको विस्तृत अनुसन्धानपछि अभियोगपत्र दायर गरेको जनाएको छ।
मुद्दामा गैरकानुनी रूपमा आर्जन गरेको सम्पत्ति जफत गरी कानुनबमोजिम सजायको माग गरिएको छ। यस सम्बन्धमा विशेष अदालतमा सुनुवाइ प्रक्रिया अगाडि बढ्ने बताइएको छ।
NwMvEG
