काठमाडौं । राष्ट्रिय सभा सदस्यलाई प्रधानमन्त्री बनाउन मिल्ने गरी संविधान संशोधन गर्ने कार्यदललाई सर्वमान्य बनाउने सत्तारुढ नेपाल कम्युनिस्ट पार्टीको एक पक्षको प्रयास असफल भएको छ । व्यक्तिका लागि संविधान संशोधनजस्तो गम्भीर विषय लुकाएर गरेको आरोप लागिरेहेका कार्यदलमा राखिएका भनिएका नेताले नै बस्न अस्वीकार गरेका छन् ।
शनिबारको सचिवालय बैठकमा अध्यक्ष एवं प्रधानमन्त्री केपी शर्मा ओलीको मौनताका बीचमा अर्का अध्यक्ष पुष्पकमल दाहाल ‘प्रचण्ड’ले संविधान संशोधनको प्रस्ताव लगेका थिए । प्रस्ताव गर्ने बित्तिकै छलफल नै नभई अध्ययन कार्यदल बनाउने निर्णय एकैछिनमा भएपछि सो निर्णय बाहिर नलैजाने आन्तरिक सहमति भएको थियो ।
आइतबार मात्रै निर्णय बाहिरिएपछि नेकपाभित्रै र बाहिर सो बिषयमा चर्को असहमति जाहेर भएको छ चर्को बिरोध भएपछि यसविषयमा नेकपा भित्र सोमबार मात्रै तीनवटा छुट्टाछुट्टै छलफल भएको छन् । सोमबार बिहान दुई अध्यक्षबीच योलगायत अन्य राजनीतिक अवस्थाका बारेमा प्रधानमन्त्री निवास बालुवाटरमा छलफल भएको थियो । सौर्य दैनिक
