काठमाडौं: नेकपा एमालेका उपाध्यक्ष विष्णु पौडेलले आफूलाई अमूल्य मत दिएर उपाध्यक्ष पदमा विजयी गराउन पार्टीका महाधिवेशन प्रतिनिधिहरु समक्ष आग्रह गर्नु भएको छ ।
उहाँले सामाजिक संजाल मार्फत् प्रकाशन गर्नु भएको आह्वानमा पार्टीलाई निर्णायक शक्ति बनाउन हाम्रा नीति र कार्यक्रमहरुलाई बलियो, शसक्त, अनुशासित र गतिशील संगठन मार्फत् जनतासँग जोडिन नेतृत्वले प्रभावकारी र सन्तुलित भुमिका निर्वाह गर्नु पर्दछ भन्नु भएको छ ।
उहाँले अपिलमा भन्नुभएको छ,
प्रिय प्रतिनिधि कमरेडहरु,
हार्दिक अभिवादन !
हामी यती बेला हाम्रो पार्टी नेकपा (एमाले) को ११औं राष्ट्रिय महाधिवेशनको नेतृत्व छनौटको महत्वपूर्ण क्षणमा आईपूगेका छौ । पार्टीलाई निर्णायक राष्ट्रिय शक्ति बनाउन हाम्रा निति र कार्यक्रमहरु लाई बलियो, शसक्त, अनुशासित र गतिशिल संगठन मार्फत जनता सँग जोडिन नेतृत्वले प्रभावकारी र सन्तुलित भुमिका निर्वाह गर्नु पर्दछ ।
मैले उपाध्यक्ष पदमा उम्मेद्वारी मनोनयन गरेको यहाँहरुलाई अवगत नै छ । प्रिय प्रतिनिधि कमरेडहरुबाट अमुल्य मतको अपेक्षा गर्दछु ।
विष्णुप्रसाद पौडेल
उपाध्यक्ष पदको उम्मेद्वार
