काठमाडौँ । नेकपा (एमाले)को बन्दसत्र दिउँसो ३ बजेदेखि सुरु हुने भएको छ।
पार्टीको प्रचार विभाग प्रमुख राजेन्द्र गौतमले बन्दसत्र दिउँसो ३ बजेदेखि भृकुटीमण्डपमा सुरु हुने जानकारी दिए।
यसअघि आइतबार बिहानैदेखि बन्दसत्र सुरु गर्ने तयारी भए पनि बीचमा केन्द्रीय समिति बैठक बस्नुपरेका कारण बन्दसत्र ढिलाइ भएको हो।
केन्द्रीय समिति बैठकले पदाधिकारीसहित केन्द्रीय समितिको संख्या ३०१ सदस्यीय रहने निर्णय गरेको छ। सोही निर्णयअनुसार बन्दसत्रमा सम्बन्धित प्रस्ताव पेस गरिनेछ।
