संयुक्त राज्य अमेरिकाको स्वास्थ्य सेवा प्रणालीले कोभिड-१९ ओमिक्रोन फैलिएसँगै अभूतपूर्व चाप अनुभव गरिरहेको छ ।
सघन उपचार कक्ष (आईसीयू) मा ७८% बेडहरू भरिभराउ रहेकाे स्वास्थ्य संस्थाहरूले बताएका छन् । जर्ज वाशिंगटन विश्वविद्यालयका प्रकोप चिकित्सा प्रमुख डा जेम्स फिलिप्सले उक्त जनाकारी दिएको बिहीबार सीएनएनले जनाएको छ।
यो हप्ता अमेरिकामा संक्रमितकाे संख्याले रेकर्ड छाेएकाे छ । दैनिकरूपमा कोभिड-१९ बाट संक्रमितहरूकाे संख्या पाँच लाखभन्दा माथि पुगेकाे छ । यो सँगै अस्पताल भर्ना हुने सङ्क्रमितको संख्या नाटकीय रूपमा बढेको छ । केही राज्यहरूमा लगभग तीन गुणा बढेको छ र स्वास्थ्य सेवा सुविधाहरूको प्रवाहमा जटिलता थपिएको छ ।
अमेरिकाको स्वास्थ्य र मानव सेवा विभागको तथ्याङ्क अनुसार बिहीबारसम्म ७८% आईसीयू बेडहरू भरिएका छन् जसमध्ये २२% कोभिड-१९ का बिरामीहरू छन् ।
अन्य धेरै देशहरू जस्तै, अमेरिकाले अब ओमिक्रोन महामारीको नयाँ लहरको सामना गरिरहेको छ।
