भक्तपुर। भक्तपुर नगरपालिकाले बिहीबार २५ गतेदेखि सहिद स्मृति खेलमैदानमा आयोजना भक्तपुर नगरव्यापी विद्यालयस्तरीय खेलकुद प्रतियोगितामा तीन हजार २९१ जना खेलाडीहरूले प्रतिस्पर्धा गर्न भएका छन् ।
नगरपालिकाले आज सञ्चारकर्मीहरूलाई यसबारे जानकारी दिँदै नेपाल मजदुर किसान पार्टीका अध्यक्ष नारायणमान बिजुक्छेँ (रोहित) ले प्रतियोगिता पुस १ गतेसम्म सञ्चालन हुने बताउनुभयो ।
खेलकुद प्रतियोगितामा भलिबल, एथ्लेटिक्स, टेबलटेनिस, पोर्टबल, उसु, कबड्डी, तेक्वाण्डो, कसिमला पाय्, बुद्धिचाल, बाघचाल, फुटबल, जिम्नाष्टिक, ब्याडमिन्टन, कराँते र खोखो गरी १५ वटा खेलकुद प्रतियोगितामा नगरका १० वटै वडामा सञ्चालन हुने नगर प्रमुख सुनिल प्रजापतिले जानकारी दिनुभयो ।
प्रतियोगितातर्फ भलिबलमा २८८, एथ्लेटिक्समा ४०८, टेबलटेनिसमा १३८, पोर्टबलमा १५३, उसुमा १३९, कबड्डीमा १६०, तेक्वाण्डोमा ३५०, कसिमला पाय्मा २४३, बुद्धिचालमा १७३, बाघचालमा २४७, फुटबलमा २८८, जिम्नाष्टिकमा १००, ब्याडमिन्टनमा १२०, करातेमा १६० र खो खोमा ३२४ जना गरी जम्मा तीन हजार २९१ जना खेलाडीहरूले प्रतिस्पर्धा गर्ने उहाँले जानकारी दिनुभयो । रासस
