मनाङ: हिमाली जिल्ला मनाङमा जाडो बढ्दै गएपछि लेकाली खर्कमा चराइने याकचौरीलाई बेसीतर्फ झार्न थालिएको छ । सामान्यतया तीन हजारदेखि पाँच हजार मिटर उचाइमा राखिने याकचौरी जाडो बढेपछि करिब एक हजार ७०० मिटर उचाइको बेसीमा झार्न थालिएको हो ।
चिसो बढेसँगै लेकका चरन तथा प्राकृतिक घाँस सुक्ने र याकचौरीलाई आहार अभाव हुने स्थानिय किसानहरूको बताउनुहुन्छ । यसरी याकचौरीलाई बेसीमा झारिँदा प्राकृतिक घाँस नपाइने भएकाले याकचौरी कुपोषित हुने जोखिम बढ्दा किसान चिन्तित देखिन्छन् । पछिल्ला समय जैविक घाँस नपाउँदा यसको विकल्पमा याकचौरीलाई दाना ९सोइ० खुवाउन थालेको स्थानीय किसान सुरेश थकालीको भनाइ छ ।
पशुपालक थकालीका अनुसार यहाँका किसानहरूले स्थानियस्तरमा उत्पादन हुने गहुँ, कोलो , बोडी, फापरलगायत रैथाने बालीका सुकेका डाँठ तथा पराल संकलन गरेर जैविक सोइ तयार पार्ने र घाँसको अभावमा पशुलाई दिन थालिएको बनाउनुहुन्छ । सोइले याकचौरीलाई आवश्यक पोषण र उर्जा प्रदान गर्ने थकालीको भनाइ छ ।
यसले चौरिलाइ प्राकृतिक रुपमै पाइने घाँसको विकल्प दिएको बताउनुहुँदै थकाली भन्नुहुन्छ, “चिसोले चरन सुक्नेबित्तिकै याकचौरीलाई आहारको समस्या देखिन थाल्छ । जैविक सोइ नदिए जाडोमा धेरै याक कमजोर बन्छन् । अहिले दानाले उनीहरूको स्वास्थ्य जोगाउन मद्दत गरेको छ।” रासस
