काठमाडौँ । खगेन्द्र सुनार नेतृत्वको हाम्रो पार्टी नेपाल आगामी फागुन २१ गते हुने प्रतिनिधि सभा निर्वाचनमा ‘गोलो घेराभित्र राम्रो जनाउने लाइक’ निर्वाचन चिह्न लिएर चुनावमा सहभागी हुने भएको छ।
यसअघि सो पार्टीले कुलमान घिसिङ संरक्षक रहेको उज्यालो नेपाल पार्टी सँग सहमति गरेर त्यसैको ‘बलेको चिम’ एकल चिह्न प्रयोग गरी चुनावमा जाने तयारी गरेको थियो। तर कानुनी प्रकृयामा जटिलता आउन सक्ने देखिएपछि सहमति कार्यान्वयन हुन सकेन।
मंसिर १० गते दुई पार्टीबीच ‘बलेको चिम’ चिह्न लिएर निर्वाचनमा सहभागी हुने सहमति भएको थियो। तर त्यसलाई पुनरावलोकन गर्दै मंसिर १६ गते सुनार नेतृत्वको समूहले आफ्नै पार्टी चिह्न रोजेर निर्वाचन आयोगमा पुनः दर्ता गरेको आयोगले जनाएको छ।
निर्वाचन आयोगका अनुसार अब खगेन्द्र सुनार नेतृत्वको हाम्रो पार्टी नेपाल स्वतन्त्र रूपमा ‘गोलो घेराभित्र राम्रो जनाउने लाइक’ चिह्न लिएर चुनावी प्रतिस्पर्धा गर्नेछ।
