काठमाडौं । बाजुरा सदरमुकाम मार्तडी बजारमा आगलागी भएको छ।
बजारस्थित एक पसलमा अचानक लागेको आगो नियन्त्रणमा लिन स्थानीयहरूसँगै प्रहरी टोली सक्रिय छन्।
जिल्ला प्रहरी कार्यालय मार्तडीका सूचना अधिकारी लक्ष्मीराज जोशीका अनुसार आगलागी दिउँसो करिब १२ः२० बजेतिर सुरु भएको हो।
बजारमा दमकल नहुँदा आगो निभाउन कठिनाइ भएको र स्थानीय स्रोत–साधन तथा उपकरण प्रयोग गरेर नियन्त्रण प्रयास भइरहेको प्रहरीले जनाएको छ।
हालसम्म आगलागीको कारण खुलेको छैन। आगो नियन्त्रणमा पूर्ण रूपमा आउन बाँकी रहेकाले क्षतिको विवरण समेत खुलेको छैन।
अधिकारी जोशीले थप सहयोगका लागि अन्य निकायसँग समेत समन्वय भइरहेको बताए।
