काठमाडौँ । दोस्रो संस्करणको नेपाल प्रीमियर लिग एनपीएल अन्तर्गत २० औं खेलमा चितवन राइनोज र जनकपुर बोल्ट्सबीच प्रतिस्पर्धा जारी छ ।
कीर्तिपुरस्थित टियु मैदानमा जारी खेलमा चितवनले जनकपुरलाई १७७ रनको लक्ष्य दिएको छ ।
टस जितेर ब्याटिङ थालेको चितवनले २० ओभरमा ४ विकेटको क्षतिमा १७६ रन जोड्यो ।
उसका लागि डेविड मलान र अर्जुन साउदले अर्धशतकीय पारी खेले । मलानले ५४ बलमा ८० रन जोडे भने साउदले ३९ बलमा ५२ रन बनाए । यस्तै, कुशल मल्ल ३० रनमा अविजित रहे । १४ बल खेलेका उनले अन्तिममा आक्रामक ब्याटिङ गर्दै दुई चौका र दुई छक्का प्रहार गरे ।
बलिङतर्फ जनकपुरका रुपेश सिंह, अनिल शाह, लोफ्टी इटन र माज सदाकतले एक–एक विकेट लिए ।
