काठमाडौँ । नेपाली कांग्रेसको केन्द्रीय समितिको बैठक बस्नु अघि कार्यवाहक सभापति पूर्णबहादुर खड्काले पदाधिकारी बैठक बोलाएका छन्।
सहमहामन्त्री महालक्ष्मी उपाध्यायका अनुसार मध्यान्ह पार्टी केन्द्रीय कार्यालयमा पदाधिकारी बैठक बस्नेछ।
आजको पदाधिकारी बैठकमा १५ औँ महाधिवेशनको कार्यतालिका केन्द्रीय समितिमा पेस गर्ने एजेण्डामा विस्तृत छलफल हुने जनाएको छ।
कार्यवाहक सभापति खड्काले पुसको अन्तिम सातामा महाधिवेशन गर्ने प्रस्ताव तयार पारेर बैठकमा पेस गर्ने तयारी गरेका छन्।
पदाधिकारी बैठक सकिएपछि दिउँसो २ बजेका लागि केन्द्रीय कार्यसमिति बैठक बोलाइएको छ। उक्त बैठकमा महाधिवेशन कार्यतालिका तथा अन्य संगठनात्मक विषयमा निर्णय हुने अपेक्षा गरिएको छ।
