काठमाडौँ । राष्ट्रिय स्वतन्त्र पार्टी (रास्वपा) र विवेकशील साझा पार्टीबीच एकता घोषणा गरिएको छ।
आइतबार राजधानीमा आयोजित विशेष कार्यक्रमका बीच दुई पार्टीका शीर्ष नेताहरूले एकतासम्बन्धी सहमतिपत्रमा हस्ताक्षर गर्दै औपचारिक रूपमा एकताको घोषणा गरेका हुन्।
एकतासम्बन्धी सहमतिपत्रमा रास्वपाका कार्यवाहक सभापति डीपी अर्याल र विवेकशील साझा पार्टीकी अध्यक्ष समीक्षा बास्कोटाले हस्ताक्षर गरेका छन्।
सहमतिपत्रमार्फत दुवै दलले सुदृढ राजनीतिक विकल्प निर्माण गर्दै सुशासन, पारदर्शिता र उत्तरदायी राजनीतिलाई अघि बढाउने प्रतिबद्धता व्यक्त गरेका छन्।
कार्यक्रममा दुवै पार्टीका नेताहरू तथा कार्यकर्ताहरूको उपस्थिति रहेको थियो।
