काठमाडौं । नेपाल प्रीमियर लिग (एनपीएल) अन्तरगत आजको पहिलो खेलमा पोखरा एभेन्जर्स र लुम्बिनी लायन्सले प्रतिस्पर्धा गरिरहेका छन् ।
टियु मैदानमा जारी खेलमा पोखराले लुम्बिनीलाई १५१ रनको लक्ष्य दिएको छ ।
टस हारेर पहिले ब्याटिङमा उत्रिएको पोखराले २० ओभरमा ५ विकेटको क्षतिमा १५० रन जोड्यो ।
उसका लागि आडम रोसिङ्टनले अर्धशतक बनाए । ६३ बल खेलेका उनले सात चौका र पाँच छक्काको मद्दतले ८१ रन जोडे । यस्तै जिम्मी निशमले पनि अर्धशतक बनाए । ३२ बल खेलेका उनी ५१ रनमा अविजित रहे । कप्तान कुशल भुर्तेल र सुमित वर्मा खाता पनि नखोली पभेलियन फर्किए ।
वलिङतर्फ लुम्बिनीका शेर मल्ल र तिलक भण्डारीले दुई दुई तथा गुलबदिन नइबले एक विकेट लिए ।
लुम्बिनीले चारमध्ये एक र कुशल भूर्तेलको कप्तानीमा रहेको पोखराले तीन खेलमध्ये एक खेल मात्र जितेको छ । लुम्बिनी अङ्क तालिकाको सातौँ र पोखरा छैटौँ स्थानमा छ ।
