काठमाडौँ । दोस्रो संस्करणको नेपाल प्रीमियर लिग (एनपीएल) अन्तर्गत चितवन राइनोज र विराटनगर किंग्सबीच प्रतिस्पर्धा जारी छ ।
कीर्तिपुरस्थित टियु मैदानमा जारी खेलमा चितवनले विराटनगरलाई १७५ रनको लक्ष्य दिएको छ ।
टस हारेर पहिले ब्याटिङमा उत्रिएको चितवनले २० ओभरमा ५ विकेट गुमाएर १७४ रन जोड्यो । उसका लागि रवि बोपाराले सर्वाधिक ६५ रनको योगदान दिए । ३८ बल खेलेका उनले ४ छक्का र ३ चौका प्रहार गरे । यस्तै, सैफ जइबले ३२, देव खनालले २८, कुशल मल्लले २० रन जोडे ।
बलिङतर्फ विराटनगरका सन्दीप लामिछाने र मर्चेन्ट डी लाङ्गले दुई–दुई विकेट लिए भने शुभम रन्जानेले एक सफलता हात पारे ।
