काठमाडौँ । दोस्रो संस्करणको नेपाल प्रिमियर लिग (एनपिल) अन्तर्गत आज काठमाण्डु गोर्खाजले लुम्बिनी लायन्सविरुद्ध ब्याटिङ गरिरहेको छ ।
कीर्तिपुरस्थित त्रिभुवन विश्वविद्यालय अन्तरराष्ट्रिय क्रिकेट मैदानमा लुम्बिनीले टस जितेर पहिला फिल्डिङ रोजेको हो ।
यो समाचार लेख्दासम्म काठमाण्डुले पहिलो विकेट गुमाएको छ । दोस्रो ओभरको पहिलो बलमा काठमाण्डुका बेन चार्ल्सवर्थलाई लुम्बिनीका शेर मल्लले आउट पारेका हुन् ।
करण केसीको कप्तानीमा रहेको काठमाण्डुले हालसम्म तीन खेल खेलेको छ ।
काठमाण्डुले दुई खेलमा हार तथा एउटामा जित निकालेको छ । काठमाण्डु दुई अङ्कसहित तेस्रो स्थानमा छ ।
यस्तै रोहित पौडेलको नेतृत्वमा रहेको लुम्बिनीले दुई खेल खेलेको छ । एउटामा जित निकालेको लुम्बिनी दुई अङ्कसहित चौथो स्थानमा छ ।
