काठमाडौँ । स्पेन फिफा विश्वकप २०२६ का लागि छनोट भएको छ ।
साथै स्पेनसँगै बेल्जियम, स्विटजरल्यान्ड, स्कटल्यान्ड र अस्ट्रियाले पनि विश्वकप २०२६ का लागि स्थान बनाए । स्पेनले टर्कीलाई २–२ को बराबरीमा रोकेपछि समूह ‘ई’मा शीर्ष स्थानमा रह्यो ।
यस्तै, डेनमाार्कमाथि समूह ‘सी’ मा भएको खेलमा नाटकीय ४–२ को जित निकालेपछि स्टकल्यान्ड सन् १९९८ यता पहिलो पटक विश्वकपमा छनोट भयो ।
बेल्जियमले भने लेचेस्टाइनलाई सजिलै ७–० ले पराजित गर्यो र यससँगै समूह ‘जे’ मा शीर्ष स्थान हात पार्यो ।
समूह ‘बी’ मा स्विट्जरल्यान्डले कोसोभोसँग १–१ को बराबरी खेल्यो र त्यसले उसलाई समूह विजेता बनायो ।
यस्तै अस्ट्रिया बोस्निया एन्ड हर्जगोभिनासँग १–१ को बराबरीमा रोकिएपनि समूह ‘एच’मा शीर्षस्थानमा रहँदै छनोट भयो । अब युरोपमा प्ले अफका खेल हुनेछन् ।
