काठमाडाैंः
टेस्ला डाइग्नोस्टिक र नबिल बैंकबीच सहकार्य गर्ने बिषयमा सम्झौता भएको छ । सम्झौता अनुसार अब नबिल बैंकका ग्राहक , कर्मचारी र कर्मचारी निकट परिवारले क्लिनिकका बिबिध सेवामा विशेष सहुलियत प्राप्त गर्ने बैंकले जनाएकाे छ ।
बालुवाटारमा गरिएको सम्झौतामा क्लिनिकका तर्फबाट प्रमुख कार्यकारी अधिकृत रिंकु श्रेष्ठ तथा नबिल बैंक तर्फ प्रमुख –कार्ड शाखा सनत पौडेलले हस्ताक्षर गर्नु भएको थियो ।
बालुवाटारमा अवस्थित क्लिनिकमा सुलभ खर्चमा स्तरीय सेवा प्राप्त गर्न सकिने र स्वास्थ क्षेत्र उदाहरणीय सेवा प्रदान गर्ने उद्देश्यले स्थापित क्लिनिकले देशको ठूलो जनसंख्या समेटेको नबिल बैंकसँग सहकार्य गरेको हो । नबिल बैंकका हाल ११८ वटा शाखाहरु, १७६ वटा एटिएमहरुको विशाल संरचनाका साथै १५०० भन्दा बढी नबिल रेमिट एजेन्टहरु छ्न् ।
