काठमााडौँ । हाल विश्वै फैलिएको प्राणघातक कोरोना भाइरसको उपचार र नियन्त्रणमा प्राप्त गरेको सफलताको विषयमा चीनले आज एसियाली र युरोपेली देशसँग आफ्नो अनुभव सेयर गरेको छ । चिनियाँ चिकित्सा तथा भन्सार क्षेत्रका विज्ञहरुले एसिया र युरोपका १८ देशका यसै क्षेत्रका अधिकारीहरुसँग भिडियो कन्फरेन्सबाट सो कुराकानी गरेको बताइएको छ ।
त्यस कन्फरेन्समा नेपाली चिकित्सक, परराष्ट्रका अधिकारी र यसै क्षेत्रका सरोकारवालाहरु पनि रहेका थिए । सो कुरा नेपालका लागि चिनियाँ राजदूत हाउ यान्छीले आज ट्वीट गरेर जानकारी दिएकि छिन् । त्यस कन्फरेन्सका क्रममा रोगको रोकथामका लागि के कसरी काम गर्ने, डाक्टर तथा अस्पतालका अन्य अधिकारीले कसरी काम गर्ने र सरकारको रणनीतिक कस्तो हुनुपर्ने भन्ने बारेमा द्धिपक्षीय रुपमा छलफल र अनुभव आदानप्रदान भएको बताइएको छ ।
