काठमाडौं । प्रतिनिधि सभा विघटनसम्बन्धी मुद्दा हेर्नका लागि संवैधानिक इजलास गठन गरिएको छ।
सर्वोच्च अदालतका प्रधानन्यायाधीश प्रकाशमान सिंह राउतको नेतृत्वमा गठित इजलासमा न्यायाधीशहरू सपना प्रधान मल्ल, कुमार रेग्मी, हरिप्रसाद फुयाल र मनोजकुमार शर्मा सदस्यका रूपमा रहेका छन् ।
उक्त इजलासले प्रतिनिधि सभा विघटनसम्बन्धी मुद्दामा सुनुवाइ गर्नेछ ।
प्रतिनिधि सभा विघटनका विरुद्ध दायर गरिएको रिटमाथि यसअघि प्रारम्भिक प्रक्रिया अघि बढाइएको थियो ।
संवैधानिक इजलास गठनसँगै अब मुद्दाको सुनुवाइ औपचारिक रूपमा प्रारम्भ हुने भएको हो ।
