सरकार, दल र जेन–जीबीचको त्रिपक्षीय बैठक आज बस्दै

काठमाडौं । सरकार, राजनीतिक दल र जेन–जी प्रतिनिधिहरुबीच आज त्रिपक्षीय छलफल हुँदै छ ।

प्रधानमन्त्री सुशीला कार्कीले सरकार, राजनीतिक दल र जेन–जी प्रतिनिधिहरूबीच त्रिपक्षीय छलफलका लागि बोलाएकी छन् । छलफल आज दिउँसो ४ बजे प्रधानमन्त्री निवास बालुवाटारमा हुने गरी तय भएको छ ।

प्रधानमन्त्री कार्कीले निर्वाचनको वातावरण तयार पार्ने गरी वार्ता आह्वान गरेकी हुन् । बैठकमा निर्वाचनको वातावरण तयार पार्न सबै पक्षले आ–आफ्नो ठाउँबाट खेल्नुपर्ने भूमिकाका बारेमा छलफल हुने प्रधानमन्त्री कार्यालय जनाएको छ ।

विभिन्न ८/९ वटा समूहका जेन–जी प्रतिनिधि, राजनीतिक दलका प्रतिनिधि र प्रधानमन्त्री–मन्त्रीसहितको त्रिपक्षीय छलफल हुन लागेको हो ।

यसअघि दल र जेनजीसँग अलगअलग छलफल गरेकी प्रधानमन्त्री कार्कीले यसपटक सर्वदलीय छलफल गर्न लागेकी हुन् ।