काठमाडौं । जेन–जी आन्दोलनका क्रममा होटल परिसरमा तोडफोड भएपछि हायात रिजेन्सी होटल बन्द भएको छ । होटलले जेन–जी आन्दोलनका क्रममा होटलमा तोडफोड भएको र अराजक गतिविधि भएपछि आफ्नो सेवा अनिश्चितकालका लागि बन्द गर्ने घोषणा गरेको हो ।
हायात रिजेन्सी होटलका मानव संसाधन निर्देशक मोहम्मद यूसुफ यामिनले विज्ञप्ति जारी गर्दै आन्दोलनका क्रममा भएको क्षति र सुरक्षाजन्य संवेदनशीलताका कारण होटल तत्काल सञ्चालन गर्न नसकिने जानकारी दिएका हुन् ।
होटल व्यवस्थापनका अनुसार मर्मत तथा पुनर्निर्माणको काम सकिएपछि मात्र पुन: सञ्चालनबारे निर्णय हुनेछ । सुरक्षा कारणले सम्पूर्ण श्रमिकलाई पनि अर्को सूचना नआएसम्म होटल परिसरमा उपस्थित नहुन आग्रह गरिएको छ ।
हायात रेजेन्सीले जारी गरेको सूचना अनुसार तोडफोड र अराजक क्रियाकलापका कारण होटलका व्यवसायिक गतिविधि पूर्ण रूपमा प्रभावित भएका छन् ।
