अमेरिका। कोरोना भाइरसको आशंकामा अमेरिकामा कम्तिमा २ सय नेपाली अस्पताल भर्ना भएका छन्। अस्पताल भर्ना भएका कतिपय नेपालीहरुलाई कोरोना पुष्टी समेत भएको इन्जाका अध्यक्ष एवं पत्रकार गुणराज लुइटेलले जानकारी दिएका हुन्।
लुइटेलका अनुसार न्यूयोर्कको हस्पिटलहरुमा कम्तिमा २ सय जना नेपाली कोभिड-१९ बाट पोजेटिभ वा हस्पिटलाइज भएका छन्। यो नेपालमा भएका सबै संक्रमित भन्दा कैयौं गुणा बढी हो ।
न्यूयोर्कका समाजसेवी जीवन बम र चर्चित फोटो/भिडियोग्राफर शम्भु मोक्तानले छुट्टाछुट्टै रुपमा आफूहरुलाई कोरोना भाइरस भएको कुरा सार्वजनिक हितको लागि जानकारी गराएको पनि लुइटेलले बताए।
उनले अन्य नेपाली कसैलाई कोरोना भएको छ भने तुरुन्त सार्वजनिक गर्नुहुन अनुरोध गर्दै विरामी भएकाहरुको शीघ्र स्वास्थ्यलाभको कामना गरेका छ्न् ।
पछिल्लो तथ्याङ्क अनुसार अमेरिकामा १ लाख ४१ हजार ८११ जना संक्रमित भएका छन् । २ हजार ४ सय ७१ जनाको ज्यान गएको छ ।
यो तथ्यांक वल्डोमिटर्सडटइन्फोको हो भने जोन्स हप्किन्स विश्वविद्यालयले मृतकको संख्या २ हजार ४ सय १४ पुगेको जनाएको छ ।
