काठमाडौं । नेकपा एमालेको १०औँ केन्द्रीय कमिटी बैठक आजदेखि सुरु हुँदैछ। ललितपुरको जावलाखेल भनिमण्डलस्थित रामबाघ महलमा बैठक बस्दै छ ।
३ दिनसम्म चल्ने बैठकमा सुरूमा अध्यक्ष केपी शर्मा ओलीले समसामयिक राजनीतिक घटनाक्रम समेटिएको राजनीतिक प्रतिवेदन पेश गर्ने कार्यसूची रहेको प्रचार विभाग प्रमुख राजेन्द्र गौतमले जानकारी दिनुभयो ।
उहाँका अनुसार -प्रतिवेदनमा सरकार गठन प्रक्रिया र प्रतिनिधिसभा विघटन असंवैधानिक रहेको, प्रधानमन्त्रीले दलका शीर्ष नेतृत्वसँग अहिलेसम्म संवाद नगरेको , शान्ति, अमन चयनको आधार तयार नभइसकेकाले निष्पक्ष चुनावको आशंका रहेको जस्ता विषय समेटिएका छन् ।
बैठकमा केन्द्रीय सदस्यहरूलाई बर्णानुक्रमका आधारमा बोल्ने पालो मिलाइए र हरेक सदस्यलाई तीन मिनेट बोल्ने समय निर्धारण गरिएको छ ।
केही दिनअघि मात्र बसेको सचिवालय बैठकले पार्टी ११ औं महाधिवेशन मंसिर अन्तिम साता गर्ने निर्णय गरेको छ ।
