काठमाडौं । सुदूरपश्चिमबाट पनि अन्तरिम सरकारमा प्रतिनिधि हुनुपर्ने भन्दै अछामका युवा समाजसेवि मदन बुढा आमरण अनसनमा बसेका छन् ।
उनी शनिबार राती देखि माईतिघर मण्डलामा अनसन बसिरहेका हुन् ।
राज्यले सुदूरपश्चिमलाई वेवास्ता गरेको भन्दै उनले सुदुरपश्चिम कुन देशमा पर्छ सरकार भन्दै प्रश्न गरेका छन् । सुदूरपश्चिममबाट पनि अहिलेको अन्तरिम सरकारमा प्रतिनिधि हुनुपर्ने, जेन-जी आन्दोलनका क्रममा सहिद भएका परिवारका सदस्यलाई र घाइतेहरुलाई तत्काल रोजगारीको व्यवस्था गर्नुपर्ने उनको माग छ ।
यसअघि उनी हिजो सिहदरबारको पश्चिम गेटमा अनसन बस्न पुगेका थिए । तर, प्रहरीले उनलाई तत्काल पक्राउ गरेर केही बेरमा छोडेको थियो।
