काठमाडौं । सरकारले लक डाउनका कारण काठमाडौंमा रहेकालाई घर जान दिने भएको छ । बिहीबार रक्षा मन्त्रालयमा बसेको मन्त्रीहरूको बैठकले शुक्रबार र शनिबार उपत्यकाबाट बाहिर जान दिने निर्णय गरेको हो।
लक डाउनको बेला मानिसहरू हिँडेरै टाढा/टाढा आफ्नो गृहजिल्ला जाने गरेपछि सरकारले दुई दिन उपत्यका बाहिर जान दिने भएको हो।
यो अवधि काठमाडौं उपत्यकाभित्र आउन भने पाइने छैन। बाहिर जान चाहनेलाई स्थानीय तहसँग समन्वय गरी पठाउन लागिएको रक्षा मन्त्रालय स्रोतले जानकारी दिएको छ।