काठमाडौँ । राष्ट्रिय सभा अध्यक्ष नारायणप्रसाद दाहालले राष्ट्रिय सभा अन्तर्गतका समिति सभापतिहरुसँग छलफल गर्नुभएको छ ।
अध्यक्ष दाहालले बिहीवार छलफल गर्नुभएको विधायन व्यवस्थापन समितिकी सभापति तुलसाकुमारी दाहालले जानकारी दिनुभयो । अध्यक्ष दाहालले छलफलमा प्रधानमन्त्री सुशिला कार्कीसँग भेट गर्नुभएको कुरा जानकारी गराउनुभएको उहाँले बताउनु भयो । उहाँले राष्ट्रिय सभा अन्तर्गतका समितिहरुले गर्ने काम नियमित रुपमा गर्न निर्देशन दिएको पनि जानकारी दिनुभयो । समितिले जेनएनजी आन्दोलनमा भएका क्षति, घाईते, चाडपर्वमा हुने मंहगी लगायतको अनुगमन गर्ने पनि बताउनु भयो । प्रतिनिधि सभा नभएको बेलामा राष्ट्रिय सभाले सरकारलाई सहयोग तथा समन्वय गर्ने विषयमा छलफल भएको उहाँले जानकारी दिनुभयो ।
उहाँले भन्नुभयो, ‘राष्ट्रिय सभा स्थायी सदन भएकोले समितिको नियमित कामहरु जुन छन् । जस्तो वार्षिक प्रतिवेदनका कुराहरु छ, समिक्षाका कुराहरु छन् । त्यसपछि हाम्रो कार्यक्षेत्र अन्तर्गत चाहीँ अहिले भएको जुन एउटा चाहीँ संरचनाहरको ध्वस्त भएका, व्यक्तिगत घरहरु ध्वस्त भएकको छ, त्यो चाहीँ सरकारलाई तथ्यगत तथ्याङ्कहरु के हुन्छ ? जुन जेनजी पुस्ताहरु जुन आन्दोलनमा परेका छन्, उनीहरुलाई राहतको कुराहरु, क्षतिपूर्तीका कुराहरु, औषधि उपचारका कुराहरु, तीन सय भन्दा बढी चाहीँ अस्पतालमा भर्ना भएका छन् । उहाँहरुलाई चाहीँ अलिकति अनुगमन गर्ने सरकारलाई निर्देश गर्ने । त्यो उपचार गर्ने कुराहरुमा, राहत दिने कुराहरुका क्षतिपूर्ती दिने कुराहरुमा र अर्को भौतिक संरचनाको चाहीँ तथ्यगत तथ्याङक के हो ? अनुसन्धान गरेर लिएर आएर त्यसमा चाँही हेर्ने र अर्को समन्वय, सहकार्य गर्ने । यतिखेर प्रतिनिधि सभा नभएको हुनाले राष्ट्रिय सभा भएको हुनाले राष्ट्रिय सभाले सरकारलाई सहयोग पु¥याउने र संविधानलाई चाँही जति संविधानलाई कार्यन्वयन गर्ने कुराहरु छ, प्रदेश छ, स्थानिय तह छ, राष्ट्रिय सभा छ । केही नियमित कामहरु गर्ने र अर्को चाडपर्व नजिकै आएको हुनाले चाडपर्वको मुखमा जस्तो मंहगी, मूल्य जुन बढेको छ । समितिले आफ्नो कार्यक्षेत्रमा रहेर काम गर्ने भन्ने कुरा भएको छ ।’
संसद सचिवालयका उपसचिव अनन्तप्रसाद कोईरालाले राष्ट्रिय सभा अन्र्तगतका चार वटा विषयगत समितिहरु हाल सक्रिय अवस्थामा रहेको जानकारी दिनुभयो । विशेष परिस्थितिमार्फत चुनावी सरकारले बनेको अवस्थामा समितिले के कसरी सहयोग, सहजीकरण गर्र्ने भन्ने बारेमा छलफल भएको उहाँले बताउनु भयो । चार वटै समितिका सभापति, समिति सचिव र राष्ट्रियसभा सचिवसहितको अनौपचारिक बैठक बसेको उहाँको भनाई छ । –
