काठमाडौँ । नेकपा (एमाले)का नेता तथा पूर्वमन्त्री गोकुल बाँस्कोटाले पार्टीभित्र नीति र विधिको रक्षा भए नेतृत्वको रक्षा स्वतः हुने बताएका छन् ।
शनिबार सामाजिक सञ्जालमा लेख्दै उनले ‘ब्रेन ड्रेन’ र ‘ब्रेन वास’पछि ‘ब्रेन हाईज्याक’को प्रयास नगर्न आग्रह गरेका छन् ।
बाँस्कोटाले पार्टीभित्र खुला बहस र समीक्षाका लागि तत्काल फोरम आयोजना गर्नुपर्ने सुझावसमेत दिएका छन् ।
“म्याकाभेलियनवादीहरु मार्क्सवादमा फर्कनासाथ विषय स्पष्ट र गतिशील हुन्छन्, त्यसपछि पन्छने पेटीबुर्जुवा मात्र हुन्छन्,” उनले लेखेका छन्।
भौतिक आक्रमणले विचारलाई परास्त गर्न नसक्ने उल्लेख गर्दै उनले थपेका छन्, “मान्छेलाई मार्न सकिन्छ तर उसको विचारलाई कहिल्यै हराउन सकिँदैन ।”
उनले लेखेका छन्–
नीति र बिधिको रक्षा भएपछि नेतृत्वको रक्षा स्वत हुन्छ।ब्रेन ड्रेन,ब्रेन वास पछि ब्रेन हाईज्याक प्रयास नगर ।बरु खुल्ला समीक्षाका लागि पार्टीका फोरम तत्काल आयोजना गर।
म्याकाभेलियनवादीहरु मार्क्सवादमा फर्कनासाथ बिषय स्पष्ट र गतिशील हुन्छन।त्यसपछि पन्छने पेटीबुर्जुवा मात्र हुन।नो टेन्स
र, यो पनि थप्छु कि भौतिक आक्रमणले विचारको धरोहर ढल्दैन,मान्छेलाई मार्न सकिन्छ तर उस्को विचारलाई कदापि हराउन सकिदैन।
