राष्ट्रिय मानवअधिकार आयोगले आन्दोलनरत जेनजी समूहलाई हिंसात्मक नहुन आग्रह गरेको छ ।
आयोगले आन्दोलनकारीलाई संयमत्ता अपनाउन र सरकारलाई जेनजी समूहको माग सम्बोधन गर्न आग्रह गरेको हो ।
आयोगले सोमबारदेखी जेनजी समूहले गरेको प्रदर्शनको अनुगमन गरिरहेको प्रवक्ता डा टीकाराम पोखरेलले जानकारी दिनुभयो । अनुगमनका क्रममा सरकारले अत्याधिक बल प्रयोग गरिएको पाईएको उहाँले बताउनु भयो । १९ जनाको मृत्युले पनि सरकारले अत्याधिक बल गरेको कुरालाई पुष्टी गर्ने उहाँले बताउनु भयो ।
उहाँले उक्त घटनाको छानविनको लागि अनुसन्धान टोली गठन गरेको छ । आयोगको सदस्य डा लिली थापाको संयोजकत्वमा अनुसन्धान टोली गठन गरेको हो ।
अनुसन्धान टोलीले प्रर्दशनका क्रममा भएका मानवअधिकार उल्लङ्घन र त्यसका संलग्नको पहिचान गरि दोषिलाई कारबाही गर्न र पिडितलाई क्षतिपुर्ती दिन सिफारिस गर्ने आयोगका प्रवक्ता डा पोखरेलले जानकारी दिनुभयो । उहाँका अनुसार अनुसन्धान टोलिले मंगलबारदेखी नै काम थाल्नेछ । आयोगले यस घटनालाई निन्दा गरेको छ ।
उक्त घटना मानवअधिकारको अन्तर्राष्ट्रिय मूल्य मान्यता, नेपालको संविधान र कानूनको पनि विपरित भएको आयोगले जनाएको छ । हत्याको घटनालाई आयोगले गम्भिरतापूर्वक लिएर दोषीलाई कानूनी दायरमा ल्याउने आयोगले जनाएको छ ।
