काठमाडौँ । नेपालमा कोरोनाको संक्रमणबाट एक महिलाको मुत्यु भएको छ । सिन्धुपाल्चोकको बाह्रबिसे नगरपालिका–९ राम्चेकी २९ वर्षीय सुत्केरी महिलाको कोरोनाले मृत्यु भएको हो।
काभ्रेको धुलिखेल अस्पतालमा मृत्यु भएकी महिलामा आरडिटि र पिसिआर दुबैमा कोरोना पोजेटिभ देखिएको स्वास्थ्य तथा जनसंख्या मन्त्रालयले पुष्टि गरेकाे छ । नेपालमा कोरोनाले मृत्यु हुने उनी पहिलो व्यक्ति हुन्। उनको बिहीबार राति मृत्यु भएको हो।
केही दिनअघि शिक्षण अस्पतालमा सुत्केरी भएकी उनी घर फर्किएपछि स्वासप्रश्वासमा समस्या आएकाले धुलिखेल अस्पतालमा भर्ना भएकी थिइन् ।
स्वासप्रश्वासमा समस्या आएकाले उपचारको क्रममा उनको कोरोना परीक्षण गर्दा आरडीटी रिपोर्ट पोजिटिभ आएको थियो।
ती महिलाकाे शव दाहसंस्कारका लागि नेपाली सेनाकाे टाेलीले शनिबार साँझ पशुपतिनाथ मन्दिर परिसरमा रहेकाे विद्युतीय शवदाह गृहमा ल्याएकाे छ ।